პროექტის საწყისი ეტაპიდან მოხდება დაინტერესებული მხარეების რუკის შედგენა. ფოკუს ჯგუფებისა და ინოვაციური მონაწილეობითი შეხვედრების საშუალებით, განხორციელდება მათი საჭიროებების, შეხედულებებისა და მოსაზრებების სიღრმისეული შესწავლა. შერჩეული წარმომადგენლები ჩართულები იქნებიან პროექტში სრული საპროექტო პერიოდის განმავლობაში, რათა უზრუნველყოფილი იყოს მათ უწყვეტი და აქტიური მონაწილეობა.

დაინტერესებული მხარეების უკუკავშირზე დაყრდნობით, შემუშავდება მედეგობის ინდიკატორები და შეგროვდება რაოდენობრივი და თვისებრივი მონაცემები. ეს გამოიწვევს მედეგობის კომპლექსური ინდექსის შექმნას, რომელიც ციფრული მონიტორინგის პლატფორმის საფუძველი გახდება. დესტინაციები შეძლებენ გამოიყენონ ეს პლატფორმა თავიანთი მედეგობის დონეების შეფასების, პროგრესის თვალყურის დევნებისა და, ასევე, მათი დესტინაციის სხვა დასახლებებთან შედარებისთვის.

თბილისის სახელმწიფო უნივერსიტეტში დაარსდება სადოქტორო სკოლა, ხოლო ინსბრუკის უნივერსიტეტში გაძლიერდება არსებული სკოლა, რაც შექმნის დოქტორანტებსა და პროექტის გუნდის წევრებს შორის აკადემიური კავშირების დამყარების უნიკალურ შესაძლებლობას. სტუდენტები ჩაერთვებიან საველე სამუშაოებში, შეაგროვებენ მონაცემებს, მონაწილეობას მიიღებენ ციფრული პლატფორმის განახლებაში და ჩაერთვებიან ტრენინგებში.

პროექტის შედეგები გავრცელდება პროექტის ვებგვერდის, სოციალური მედიის, სამეცნიერო კონფერენციებისა და პუბლიკაციების მეშვეობით. რეგულარულად იქნება ორგანიზებული საერთო საჯარო დისკუსიები, რათა გაზიარებულ იქნას კვლევის შედეგები, წარდგენილ იქნას მედეგობის ციფრული პლატფორმა და გავრცელდეს წარმატებული პრაქტიკა ყველა დაინტერესებული მხარისათვის.