გვანცა სალუქვაძე სოციალური მეცნიერებების წარმომადგენელია, ფლობს დოქტორის ხარისხს საზოგადოებრივ გეოგრაფიაში და გახლავთ SCIEN-ის – მეცნიერების, პოლიტიკისა და საზოგადოების ინიციატივის – თანადამფუძნებელი. აღნიშნული პლატფორმა აკადემიური მკვლევრების ერთობლივი ძალისხმევაა, რომელიც მიზნად ისახავს სამეცნიერო კვლევების განვითარებასა და მტკიცებულებაზე დაფუძნებული პოლიტიკის მხარდაჭერას. ათწლეულზე მეტი გამოცდილებით, გვანცა სწავლობს სოციალურ-ეკონომიკურ ტრანზიციებს სასოფლო და მთიან დასახლებებში, სპეციალიზირდება მდგრადობის მეცნიერებაში და როგორც ეროვნული, ასევე ევროკავშირის მიერ დაფინანსებული პროექტების მართვაში. მისი საქმიანობა აღიარებულია არაერთი პრესტიჟული ჯილდოთი, მათ შორის FORBES 30 UNDER 30.
ელ.ფოსტა:gvantsa.salukvadze@tsu.ge